1.    Дорангель Варгас
“Ганнибал лектор Анд” хэмээн алдаршсан энэ эрийг гэрээс нь хүний биеийн хэсэг олдсоны дараа 1995 онд барьж сэтгэцийн эмнэлэгт хүргэсэн ч хоёр жилийн дараа сулласан байна. Гэсэн ч 1999 онд Венесуэлийн Сан-Кристобаль хотод гэрээс нь дахиад л хүний биеийн хэсэг олсон байна. Энэ удаа бүр 10 орчим хүний гавлын яс, дотоод эрхтэн олжээ. Варгас  хүний мах идсэнээ хүлээсэн ч хүн алаагүй, зөвхөн үхсэн хүний цогцос олсон гэж зүтгэжээ. Хуулийнхан түүнийг хүний эд эрхтэн хууль бусаар худалдаалдаг байх гэж бодож. Махчин энэ тухайгаа хүний мах амтттай, гайхаад байх зүйлгүй гэсэн гэдэг. Түүнийг бүх насаар нь сэтгэцийн эмнэлэгт хэвтүүлсэн байна.

 

 

Оклахома мужийн Пурцелл хотод 10 настай Жеймийг алсан хэрэгт сэжиглэж 2006 оны дөрөвдүгээр сард баривчилсан. Түүнд эхлээд Жеймийг алсан гэсэн нотолгоо байхгүй байсан ч цагдаагийнхан гэрээс нь охины хөлдөөсөн мах, хийсэн хоолноос нь хүний махны үлдэгдэл илрүүлсэн. Тэр бүү хэл охины биеийг жижиглэн хоол хийж байгаагаа дүрс бичлэгт буулгасныг нь олсон. Үүний дараа тэрээр бүх хэргээ хүлээсэн байна.

3.    Роберт Модси

Биеэ үнэлэгч энэ эр олсон бүх мөнгөө хар тамхинд үрдэг байж. 1974 онд өөрийн үйлчлүүлэгчийн нэгийг алсны төлөө сэтгэцийн гажигтай хэрэгтнүүдийн эмнэлэгт хүргэгдсэн. 1977 онд Модси нэг хоригдолтой хамт өөр нэг өвчтөнийг барьцаалж 9 цагийн турш камертаа хүн оруулаагүй. Хаалгыг арай гэж нээхэд барьцааны хүн нас барсан байлаа. Тэд түүний гавлыг хагалж тархийг нь халбагадан идсэн ул мөр байж. Модси ч хэргээ хүлээснээр түүнийг Уэйкфилдийн шоронд илгээтэл тэнд бас хоёр хүнийг алсан байна. 1983 онд шоронд Модсиг байнга харж байх тусгай тор хийж, түүнийг хэнтэй ч уулзуулалгүй хорьжээ. Энэ тор “Хурга майлахаа болино” кинон дээр гардаг.

4.    Иссей Сагава

Япон оюутан Иссей Сагава дарист Сорбоны их сургуульд сурч байхдаа 1981 онд голланд бүсгүйд дурлаж. Тэгээд түүнийгээ буудаж алаад махыг нь идсэн байна. Тэгээд үлдсэн хэсэгтэй нь бэлгийн харьцаанд орж дараа нь жижиглэж хэрчсэн. Нэг хэсгийг нь хөргөгчиндөө хийж, бусдыг нь чемоданд хийн ойд аваачиж хаясныг хоёр хоногийн дараа олсон.
Сагаваг барьж шоронд хориод хоёр жилийн дараа сэтгэцийн эмнэлэгт хүргэснээр тэр дурсамж ном бичиж энэ нь японд бестселлер болжээ.
Сагаваг Японд шилжүүлэн өгснөөр сэтгэцийн шинжилгээ хийж. Францын тал шаардлагатай бичиг баримт, хэргийн материалыг нь өгөөгүйгээс японы тал 1986 онд түүнийг сулласан. Одоо махчин Сагава “Японы нэрт махчин” хэмээн нэрийдэн нэрд гарч ном бичин, ярилцлага өгч, порно кинонд тоглоод л эрх чөлөөтэй явж байгаа.

5.    Армин Майвес
Армин Майвес 2001 онд интернетээр махыг идэхэд золиос болох хүн хайж байгаагаа зарласан хүн. Майвесийн урхинд Бернд Юрген Брандес гэгч герман эр орж чатаар харилцсан байна. Ингээд энэ хоёр уулзаж Майвес хүслээ гүйцээх нь тэр. Брандесийн махыг Майвес хэдэн сарын турш иджээ. Түүнд 2006 онд бүх насаар нь хорих ял өгсөн.


6.    Жеффри Дамер

Тэр бага насны хүүхдийг бэлгийн харилцаанд уруу татсан хэргээр шоронд сууж байгаад 1991 онд тэнсэн харгалзах ялаар гарч. Нэг удаа 14 настай хүү хашгираад түүнээс зугтлаа гэж хөршүүд нь цагдаа дуудсан ч Дамер бүх зүйл хэвийн гэхэд цагдаагийнхан итгэж хүүг түүнд орхиод явсан байна. Харамсалтай нь тэр жаалыг дахиад хэн ч амьдаар нь хараагүй юм.  
Хэсэг хугацааны дараа ийм явдал дахиад л давтагдаж 14 настай хүү Трейси Эдвардс гэгч Дамерийн гэрээс тусламж дуудан гүйж гарахад хөршүүд нь цагдаа дуудлаа. Ингээд мөрдөн шалгатал гэрээс нь аймшигтай зүйл гарах нь тэр. Тэндээс 11 хүний цогцосны хэсэг гарч заримын нь махыг хөргөгчинд, хөлдөөгчид хадгалж, бусдыг нь энд тэндгүй өлгөсөн байжээ.
Дамерын аллага, хүний мах идсэн, алсан хүнтэйгээ бэлгийн харьцаанд орсон гэж буруутгасан ч ганцхан аллагын нь төлөө 15 жилийн ял өгсөн.

7.    Николай Журмонгалиев

Энэ хүн 1980-аад онд Казахстаны Алма-Ата хотод янз бүрийн л ажил хийж байсан нэгэн. Гэтэл энэ хотод 50 орчим бүсгүй сураггүй алга болжээ.
Николай бүсгүйчүүдтэй танилцаад алж, махаар нь хоол хийн найзуудаа дайлдаг байж. Нэг удаа нөхөд нь тэдний гэрт хүний биеийн хэсэг байхыг мэдээд цагдаа дуудсанаар Николай биеэ үнэлэгчдийг алж махаар нь найзуудыгаа дайлж байснаа хүлээжээ.
Журмонгалиевыг 47 хүний амь бүрэлгэсэн хэрэгт буруутгасан. Сэтгэл мэдрэлийн эмнэлэгт хүргэхээр явах үед 1989 онд тэр оргож 1991 онд арай гэж барьсан. Энэ хоёр жилд Зөвлөлт даяар зарлаж, хүн ам ихэд айж эмээж байжээ.

8.    Нитхарийн махчин  хоёр

Энэтхэгийн Нитхари тосгонд 2004-2006 оны хооронд 38 хүүхэд сураггүй алга болжээ. Гэтэл нутгийн нэртэй бизнесмен Кохли, түүний зарц  хоёр энэ хэргийг үйлдсэнийг гэрээс нь хүүхдийн 17 цогцосны үлдэгдэл олсноор илрүүлсэн байна. Кохлийн зарц нь зургаан хүүхэд, насанд хүрсэн нэг хүнийг алснаа хүлээж, бас цогцостой бэлгийн харьцаанд орж байснаа ч хэлжээ. Мөн эзэнтэйгээ хамт хүүхдүүдийг алаад цогцосыг нь хүчиндэж, махыг нь идсэнээ мэдүүлсэн байна.
Тэр хоёрт хоёуланд нь цаазаар авах ял оноосон.

9.    Сергей Гаврилов

Оросын Самарын иргэн 27 настай Сергей Гаврилов өөрийнхөө эхийг алж идсэн нэгэн. Ээж нь түүнийг архи ууж, мөрийтэй тоглоод байна хэмээн мөнгө өгөхөөс татгалзсаны төлөө ээжийгээ алаад хамаг мөнгийг нь авч өнөө л архи мөрийтэй тоглоомондоо зарж дуусгаад хоёр хоногийн дараа ээжийнхээ гэрт ирээд идэх юм хайтал юу ч байсангүй. Тэгэхээр нь эхийнхээ хөлийг хөрөөдөж аваад чанаж идсэн гэнэ. Үлдсэнийг нь тагтан дээр тавьж хөлдөөгөөд бага багаар хэсэглэн идсэн. Түүнд 15 жилийн хорих ял өгсөн гэдэг.

10.    Цутому Миязаки 

Энэ хүн 1988-1989 онд японы Сайтама аймагт дөрвөн охиныг алаад, цогцостой нь бэлгийн ажил хийж нэг удаад нь цусыг нь ууж, гарыг нь идсэн гэнэ. Түүний золиосууд нь 4-7 насны охид байжээ. 1989 оны долдугаар сард бас нэг охиныг золиос болгох гэж байхад нь баривчилж гэрийг нь нэгжихэд бүхий л эд мөрийн баримт ил байсан. 1990-ээд оны турш мөрдөн шалгаж, сэтгэцийн шинжилгээ хийж байгаад 2006 онд цаазаар авах ял оноосон ч тэр 2008 онд өөрийгөө дүүжилж амиа хорлосон.