“Нисванис” хамтлагийн дуучин Л.Энх-Амгалан өөрийнхөө үсний засалтыг өөрчлөх тухай ер боддоггүй гэх. Ямартаа л, дунд сургуулийн сурагч байхаас эхлээд хамтлагт орох хүртлээ богино халимагтай явсан болохоор түүнээсээ бараг л залхсан юм байх. Хамтлагаар овоглож, урт үс, уранхай жийнсээр имиж хийсэн дуучин залуугаас фэнүүд нь “Таныг ийм урт ч биш, богино ч биш үстэй байхыг чинь харсаар байгаад дасчихаж.
Яагаад дандаа энэ хэвээрээ яваад байдаг юм бэ” гэж асуухад мань эр “Өө, энэ үснээс өөр зохих юм алга аа. Тэгээд ч одоо хөгширч байгаа болохоор халимаг тавиад яахав дээ. Энэ чигээрээ явж байгаад л дуусахаас” хэмээн хошигнов. Нэгэн цагт “Сургууль нураасай” гэж үглэн “Нисдэг таваг”-аар сахилгагүйтэж, “Эмийн сан” руу алхахыг уриалж байсан дуучин залуу маань өдгөө аав болж томоожсон ч гэлээ, урт үснээсээ татгалзахыг хүссэнгүй ээ.
Содон
Эх сурвалж: Photonews.mn
