Болгар Улсын ерөнхийлөгч Росен Плевнелиев Монгол улсад гурав дахь өдрөө төрийн дээд хэмжээний айлчлал хийж байна. Энэ айлчлалын үеэр Бүгд Найрамдах Болгар Улсаас цаашид Монгол улстай хамтарч ажиллах олон бодлогын талаар хэлэлцэх учир манай төрийн удирдлагууд ихээхэн ач холбогдол өгч ажиллаж байгаа.

Гэвч сайн сайн гэхээр сахлаа таван өнгөөр будав гэгчлэн манай улсын төрийн өндөрлөгүүд хэт ач холбогдол өгөн бүр Тээврийн товчоо, автовокзалын ойролцоох хүнсний дэлгүүр, худалдаа үйлчилгээ эрхэлдэг газруудыг энэ айлчлалын үеэр үйл ажиллагааг нь хүчээр зогсоох шийдвэр гарган цагдаагийн байгууллагын хүч ашиглан албан хүчээр худалдаа үйлчилгээний газруудыг түр хааж байна.

Угтаа төрийн айлчлалын үеэр төв замуудыг хаадаг ч иргэд авч байгаа арга хэмжээг нь хүндэтгэн үзэж, аль болохоор дэмжихийг хичээдэг ч энэ удаад бүр хэрээс хэтэрсэн явдал боллоо хэмээн үзсэн байна.

Болгар Улсын ерөнхийлөгч айлчлахад манайхан ингэж хөл болж байгаа юм чинь АНУ-ын ерөнхийлөгч Монголд морилбол ард иргэдийг гэрт нь цоожлох шийдвэр ч энүүхэнд биз ээ.