Авлигатай тэмцэх үндэсний хөтөлбөрийн хэрэгжилтийг хангах, нийтийн албан тушаалтныг авлигын эсрэг соён гэгээрүүлэх, чадавхжуулах замаар авлигаас урьдчилан сэргийлэх зорилгоор Үндэсний аудитын газар, Авлигатай тэмцэх газартай хамтарсан цахим сургалтыг 2021 оны 10 дугаар сарын 13-ны өдөр зохион байгууллаа.

Сургалтад Авлигатай тэмцэх газрын Урьдчилан сэргийлэх, соён гэгээрүүлэх хэлтсийн дарга, эрхэлсэн комиссар Д.Дуламсүрэн “Ашиг сонирхлын зөрчлөөс урьдчилан сэргийлэхэд байгууллага, албан тушаалтны хүлээх үүрэг” сэдвээр танилцуулга, мэдээлэл хийж, албан хаагчидтай харилцан ярилцлаа.

Цахим мэдээлэл ашиг сонирхлын зөрчлийн тухай ойлголт, зохицуулах арга зам, урьдчилан сэргийлэх гэсэн үндсэн 3 сэдвийн хүрээнд өрнөсөн бөгөөд төгсгөлд нь удирдах албан тушаалтны анхаарах асуудлын талаар хэлэлцүүлэг өрнүүлэв.

АТГ-ын Урьдчилан сэргийлэх, соён гэгээрүүлэх хэлтсийн дарга, эрхэлсэн комиссар Д.Дуламсүрэн байгууллагын зөв, хариуцлагатай соёлыг төлөвшүүлэхэд удирдлагын манлайлал, үлгэрлэл, оролцоо чухал нөлөөтэй гэдгийг хэлэлцүүлгийн үеэр онцолж АТГ-ын зөвлөмж, хэрэгжилтийг хангаж, хамтран ажиллах боломжуудын талаар санал солилцлоо.

Цахим мэдээлэлд Төрийн аудитын байгууллагын нийт 140 гаруй албан хаагч оролцсон бөгөөд дараагийн сургалтыг энэ сарын 25-ны өдөр зохион байгуулах юм.