Саяхан болж өнгөрсөн зуны тэмцээний эхний өдөр Ичиножёо их аварга Хакүхог өвдөг шороодуулж шуугиан тарьсан билээ.
Энэ тухай Японы хэвлэлүүдэд бичихдээ сүмод Хакүхогийн ноёрхол удахгүй дуусах нь. Монголоос төрсөн залуу хүчтэн, комүсүби Ичиножёо аваргын дараалсан давааг зогсоолоо. Сүмод удахгүй нэг том цолтон төрөх ирээдүй харагдлаа гэжээ.
Тэгвэл Нацү башёгийн дараа Японы мэргэжлийн сүмогийн холбоо долдугаар сарын башёд Хакүхог унагавал сая ам.долларын шагнал олгох тухай нууц гэрээнд Ичиножёотой гарын үсэг зурсан тухай шуугиантай мэдээ таржээ. Энэ үнэн бол Хакүхогийн сүмогийн холбоог шүүмжилсэн үгний хариуг л барьж байгаа үйлдлийн үргэлжлэл гэж хэлэхээр байна. Их аварга 34 удаа түрүүлж дээд амжилт нэгэнт тогтоочихсон болохоор уналаа, түрүүлж чадсангүй гэж юундаа ч хотойх вэ. Барилдааныг буруу шүүлээ гэсэн Хакүхогийн нэг удаагийн үг л Сүмогийн холбооныхон, түүний дэмжигчдийн аазгай хөдөлгөсөн хэвээр байгаа хэрэг юм байхаа даа.
Зууны мэдээ
Эх сурвалж: Shuurhai.mn
