“UA Consulting” компанийн захирлаар ажиллан, орчин цагийн бизнесмэн хатагтай нарын тэргүүн эгнээнд бичигдэж буй А.Урангоо саяхан амаржиж, хөөрхөн хүүхдийн ээж болжээ. Бизнесмэн бүсгүй энэ тухайгаа өөрийн цахим хуудсанд албан ёсоор оруулан “Гэдсэнд байхаасаа эхлэн энэ хүүхэд ээжтэйгээ хамт ертөнцийн нэг захаас нөгөө зах руу хэдэн арван цагаар ч хамаагүй нисдэг байлаа. Одоо төрөөд удаагүй байгаа мөртлөө дахиад л ээжтэйгээ хамт нисч байна” хэмээн бяцхан үрээ “танилцууллаа”.
Эх орондоо ирсэн цагаасаа эхлэн их аварга Д.Дагвадоржтой нэр холбогдож, тэрбээр богино хугацаанд олны анхаарлын төвд орсноос гадна 100 гаруй загварын гутал цуглуулж, гоёл зүүсгэлийн “Uran” брэндийн бүтээгдэхүүнийг ч охид бүсгүйчүүддээ зориулж яваагаа хэвлэлд дэлгэж байсан.
Түүнийг нэгэнтээ “Танхай эмээ” нэрээр алдаршсан эрхэм “Твиттерийн хатан хаан”-аар тодруулан багагүй нэр хоч зүүлгэсэн бол, цахим ертөнцийн найзууд нь “Фэйсбүүкийн од” гэлцэж суусан удаатай. Ийнхүү олны дунд “Цахим ертөнцийн хатан хаан” гэх өвөрмөж тодотголтой явдаг А.Урангоо "Сүүлийн хоёр жил амрахаа ч мартан ажиллалаа. Одоо ээж болох цаг минь ирсэн гэж бодож байна" гэж нэгэнтээ бичсэн билээ.
Б.Содон
