Эх орны дайн ялалтын 70 жилийн ойн баярын параданд оролцох Монгол цэргүүд 4 дүгээр сарын 25-нд Москва хотод очсон юм. Тэд одоо ОХУ болон бусад улсын 14 мянган дайчдын хамт баярын парадын нэгдсэн бэлтгэлд ороод байна. Өнөө шөнө /4 дүгээр сарын 30-нд/ Улаан талбайд шөнийн бэлтгэл хийнэ. Мөн 5 дугаар сарын 4, 7-ны шөнө бэлтгэл хийх аж. Эх орны дайны ялалтын 70 жилийн ойн баярын энэхүү парад жагсаалд цэргийн 194 техник, 150 онгоц, нисдэг тэрэг оролцоно. Түүнчлэн 26 хотод цэргийн парад хийхээр төлөвлөсөн бөгөөд Улаан талбайд болох параданд 10 орны тус бүр 70 цэргийн бүрэлдэхүүнтэй нэг нэг рот оролцох ажээ.
Б.Баяр
Эх сурвалж.: Tumen.mn
