УИХ-ын гишүүн Ж.Батзандан өнгөрсөн долоо хоногоос эхлэн тойрогтоо ажиллаж эхэлсэн тухайгаа дуулгаад, ажиллаж байх хугацаанд иргэд, сонгогчдын тавьсан асуудлыг хотын даргад уламжлах болсон талаараа мэдээллээ. Иргэдийн зүгээс СӨХ-ийн үйл ажиллагааг сайжруулж шинэ зохион байгуулалтад оруулах, Автобусны маршрутыг хуучин рейсээр нь явуулж өгөх, Цахим газар олголтод ахмадууд болон хөгжлийн бэрхшээлтэй иргэдийг мэдээллээр хангаж, бүрэн хамруулах талаар зохион байгуулалтын арга хэмжээ авах,мөн гэр хорооллын дахин төлөвлөлтийн асуудлаас болж иргэдийн эрх ашиг хөндөгдөж байгаа талаар зохицуулалтуудаа эргэж харахыг хүссэн байна.
УИХ-ын гишүүн Ж.Батзандан эдгээр асуудлуудыг анхааралдаа авч, иргэдийн эрх ашгийг ханган, хамгаалж ажиллах талаар хотын даргад санал хүргүүллээ.
Түүнчлэн иргэдийн зүгээс сонгуулийн хуулиа өөрчилж намын жагсаалтаар нэр дэвшүүлэхийг болиулах, Улс төрийн намын тухай хуулиа шинэчлэх, Үндсэн хуулийн өөрчлөлтийг яаралтай хийхийг шаардаж байгаа талаар мэдээлэл хийв.
