Татварын бүрдүүлэлт хангалттай хэмжээнд хүрэхгүйн улмаас төсвийн данс улайж төрийн алба хаагчдын цалинг тавьж чадахгүйд хүрсэн тухай мэдээлэл өнгөрөгч 2014 оны сүүлийн улирлаас эхлэн тасралтгүй яригдсаар байгаа юм.Тухайлбал, өнгөрсөн саруудын төрийн албан хаагчдын цалинг олгохдоо бондын мөнгөнөөс авсан, Эрдэнэт үйлдвэрийн ган бөмбөлөг авах мөнгийг ашигласан, Нийгмийн даатгалаас мөнгө зээлэх арга замаар цалинг хугацаанд нь тавьж байсан аж.
Тэгвэл эх сурвалжийн мэдээлж байгаачлан өнгөрөгч дөрөвдүгээр сарын төрийн албан хаагчдын цалинг тавихдаа Засгийн газар Монголбанкнаас мөнгө зээлсэн сурагтай. Сангийн сайд Ж.Эрдэнэбат, “Цалин, тэтгэвэр тавьж чадахгүй болтлоо доройтчихоогүй байна. Орлогын төлөвлөгөө 88 хувьтай байгаа тул цагт нь санхүүжилт хийгээд явна” хэмээн мэдэгдэж байсан ч бодит байдал дээр тийм биш бололтой.
Дашрамд дуулгахад, манай улс цалин тэтгэвэр, нийгмийн халамжийн зардалд сард 260 тэрбум төгрөгийг гаргадаг аж.
Dorgio.mn
