АНУ-ын Тэнгисийн явган цэргийн корпус өнгөрсөн долоо хоногт коронавирусийн эсрэг вакцин хийлгэхээс татгалзсан 66 тэнгисийн явган цэрэг халагдсан талаар “Эй-Би-Си Ньюс” /ABC News/ агентлаг мэдээлэв.
Ингээд коронавирусийн эсрэг вакцин хийлгэхээс татгалзсан Тэнгисийн явган цэргийнхний тоо 169-д хүрлээ.
АНУ-ын Тэнгисийн цэргийн хүчний албан ёсны мэдэгдэлд “Хүмүүсийн дунд коронавирусийн халдварын тархалтын хурд манай тэнгисийн явган цэргүүд болон Тэнгисийн явган цэргийн ажиллагаанд нөлөөлөх эрсдлийг нэмэгдүүлж байна. Ялангуяа “Омикрон” хувилбарт вирусийн халдвар ихэссэнтэй холбогдуулан урьдчилан сэргийлэх вакцин хийлгэх зайлшгүй шаардлагатай байна” гэжээ.
Тэнгисийн явган цэргийн вакцинжуулалтын түвшин АНУ-ын цэргийнхний дунд хамгийн бага хувьтай байгаа аж. Тэнгисийн цэргийн хүчин, Агаарын хүчин, армийн цэргийн 98 хувь нь хамгийн багадаа коронавирусийн вакцины эхний тунг хийлгэсэн байна.
(Эх сурвалж: Daily Mail)
