Гадаад хэргийн сайдаар томилдсон Л.Пүрэвсүрэн цомхотгол нэрийн дор Консулын газраа тэр чигээр нь татан буулгаад байгаа. Түүний энэ “зоримог” алхамыг харин олон нийт таашаахгүй байна. Нэг тушаалаар бараг 40 орчим хүнээ халж хаясан яам одоогоор Л.Пүрэвсүрэнгийнхээс өөр гарч ирээгүй байгаа юм. Түүний хувьд өнөөдөр халаа сэлгээний “оргил” амжилт тогтоожээ. Консулын газартай байх үед тус яам гадаад дахь иргэдээ хамгаалах тал дээр овоо юм хийх гэж оролдож байсан гэдэг. Тэгвэл одоо энэ ажлыг амжуулах гар хөлөө таслаад хаяснаас ялгаагүй болов. Тэдгээр халагдсан хүмүүс нь голцуу сайд асан Л.Болдын үед ажилд орсон, АН-ын угшилтай бөгөөд одоо тэд нар нь Л.Пүрэвсүрэнгээс “ял” асуухад хүрээд байгаа ажээ.
Б.Баяр
Эх сурвалж: Tumen.mn
