Нэн ховордож буй ан амьтдаа алж, өмнөд хөрш рүүгээ зөөж ашиг орлого олдог бүлэглэл байсаар байна. Бугын сүрэг 1990-ээд оноос хойш эрс ховордсон нь тэдэнтэй холбоотой юм. Саяхан 30 гаруй буга, согоо баавгайн эд эрхтэнг Хятад руу гаргах гэж байсан гурван этгээд боомтын хяналтын албаныхан болон цагдаа нарт баригджээ. Сэжигтэн “Э”, ”Н”, ”Д” нарыг одоо хориотой ан хийсэн эд зүйлсийг нь хилээр гаргахыг завдсан хэргээр нь шалгаж байна. Эдгээр хулгайн анчид гурвуулаа Хөвсгөл аймгийн харъяат гэж эх сурвалж хэлж байгаа юм. Тэд хулгайн анги хийж, ховор ан амьтаны амь хөнөөсний төлөө доод тал нь 700 гаруй сая төгрөгийн нөхөн төлбөр төлөх болж байна. Дээр нь эрүүгийн ял эдэлнэ.
Б.Баяр
Эх сурвалж: Tumen.mn
