Жагсаал гэхээр бид дандаа улс төрийн өнгө аясаар ойлгох гээд байдаг болчихжээ. Тэгвэл ирэх гуравдугаар сард улс төрөөс ангид баярын жагсаал болно. Өмнөговь аймгийн Булган суманд болох “Тэмээний баяр-2015” наадмын үеэр “Тэмээтэй жагсаал” хийнэ. “Түмэн тэмээ” аяллын холбооноос энэхүү баярыг хоёр бөхт тэмээгээ хамгаалах, өгсөж үржүүлэх зорилгоор 1990-ээд оны дунд үеэс тогтмол зохион байгуулж ирсэн юм. Энэ удаагийн наадмын үеэр Тэмээн поло тэмцээн, хурдан тэмээ шалгаруулах уралдаан, гар зургийн уралдаан зэргийг зохион байгуулах юм байна.
Б.Баяр
Эх сурвалж: Tumen.mn
