нийтлэсэн Admin
Манай улсад зам тээврийн осол аваар ихээхэн бүртгэгддэг. Тэр дундаа согтуу жолоочдын уршигаар олон хүмүүс эрдэнэт амиа алдаж, тахир дутуу амьдралаар амьдарч байгаа. Өнгөрсөн онд 50 мянган согтуу жолоочийг илрүүлж зохих арга хэмжээ авчээ. Тиймээс ЗЦГ Захиргааны хариуцлагын тухай хуульд дараах заалтуудыг шинээр оруулахаар төлөвлөсөн байна.
Үүнд: Согтуугаар тээврийн хэрэгсэл жолоодсон тохиолдолд эхний ээлжинд 500 мянган төгрөгөөр торгож, хоёр жил жолоо барих эрхийг нь хасах гэнэ. Мөн давтан буюу жолоо барих эрхгүй этгээд тээврийн хэрэгсэл жолоодсон бол нэг сая төгрөгөөр торгож, хоёр жилээр эрхийг нь хасах саналыг оруулжээ. Хэрэв дахин хууль зөрчсөн тохиолдолд 80 цагийн албадан хөдөлмөр эрхлүүлэх заалтыг нэмж оруулах саналыг тусгажээ. Одоогоор энэ асуудал зөвхөн санал төдий яригдаж буй бөгөөд УИХ дахь эмэгтэй гишүүд дэмжиж ажиллахаа илэрхийлсэн байна.
Эх сурвалж: Шуурхай.мн
