АМГТГ-аас хэвлэлийн бага хурал хийлээ. ОХУ-д шатахууны асуудлыг хэлэлцэх уулзалт улирал бүр болдог. Энэ улирлын уулзалтад УУХҮЯ, АМГТГ, Монгол улсын шатахуун импортлогч аж ахуйн нэгжүүд оролцоод иржээ. Улмаар уулзалтаар хэлэлцсэн асуудал, Шатахуун хомсодсон шалтгааныг УУХҮЯ-ны Газрын тосны бодлогын газрын дарга Б.Анхбаяр тайлбарлалаа.
АМГТГ-ын дарга Л.Баярмандал: “Манай Улсад нийлүүлж буй шатахууны 74 хувийг “Роснефть” компани дангаараа хангадаг. Тус компанийн зүгээс сар тутамд 70 мянган тонн дизелийн түлш, 50 мянган АИ-92 авто бензин нийлүүлнэ гэдгээ мэдэгдсэн. Үүсээд буй асуудлыг шийдвэрлэж, цаашид хүссэн хэмжээгээр, төлөвлөгөөний дагуу шатахуун нийлүүлэхээ мэдэгдсэн. Шатахуун орж ирдгээрээ орж ирж л байгаа. Иргэд сандрахгүй, хэвийн хэмжээгээрээ л авах чухал байна” гэв.
