Дэлгэцийн хэд хэдэн бүтээлээрээ үзэгч олны танил болоод байгаа авьяаслаг жүжигчин залуу маань сүүлийн үед найр хурим, тэмдэглэлт арга хэмжээ хөтөлсөн шигээ аз одтой яваа. Царайлаг, авьяаслаг залуутай уулзаж учрах гэсэн охид хүүхнүүдийн тасралтгүй илгээх мессеж, нууцлаг болзооны саналд “дарагдах” шахам явдаг тэрбээр саяхнаас гэр бүлтэй гэдгээ албан ёсоор мэдэгдэх болсон.
Тэр ч байтугай, жүжигчин залууг гурван хүүхэдтэй өнөр бүлийн тэргүүн гэдгийг түүний найз нөхөд дэлгэсэн ч Ж.Алтаншагай энэ тухай ам нээж байгаагүй. Харин ч бүр нүүрэндээ цус шахуулан “залуужуулах” үйлчилгээ хийлгэн, стиль имижээ хэн хүний анхаарлыг татахуйц содон байдлаар тодорхойлж яваа түүнийг ганц бие залуу гэдэгт нь олон бүсгүйчүүд итгэж байсан биз ээ.
Тэгвэл жүжигчин залуу маань өөрийн цахим хуудсаар дамжуулан гурван хүүхдээ анх удаа олонд харуулсан нь энэ. Тэрбээр энэхүү зургандаа “Би азтай аав... Амьдралын минь утга учир, өвдөх, үхэх эрхгүй байх энэ гурван жижигхэн хүмүүсээс шууд хамааралтай. Юу ч хийхэд бэлэн байх юм, та гурвынхаа төлөө хайртууд минь. Дунд байгаа нь миний Босс, ар талд байгаа нь миний Зөвлөгч, түүний урд байгаа нь намайг Халамжлагч... Би та гуравтаа хязгааргүй их хайртай шүү, хийсэн ажил, зүтгэсэн зүтгэл минь та гурвын төлөө болохоор надад сэргэх хүч, итгэх итгэл үргэлж болдог ю ... Баярын мэнд, хайртууд минь” хэмээн тайлбар хийжээ.
С.Цахиур
