Спортын сэтгүүлчдээс МҮОХ-ны ерөнхийлөгч Загдсүрэнг мөрдөхийг хүсчээ
НОЦТОЙ МЭДЭЭ
Спортын Сэтгүүлчдээ та бүхэн спортын ертөнцийнхөө тулгамдаж буй зайлшгүй засч зөв замд нь оруулах ёстой асуудлуудын талаар яагаад дуугарахгүй мэдсэн ч мэдээгүй юм шиг,эсвэл мэдлэг,сэтгэл дутаад эсвэл айгаад байна уу. Өнгөрөгч 4 сарын 20ны өдөр Монголын Үндэсний Олимпийн Хорооны ерөнхийлөгч Д.Загдсүрэнгийн хууль бус асуудлуудын талаар нэр бүхий улсууд дахин мэдээлэл хийснийг та бүхэн мэдэж байгаа.Өмнөх асуудлуудыг нь яриснаас гадна нэгэн ноцтой шинэ мэдээ нэмэгдсэн нь жил болгоны Улсын наадмын допингийн шинжилгээний зардлын талаар байлаа. 1999оны Наадмаас эхлэн Үндэсний бөхчүүдээс, 2003оны наадмаас эхлэн Халх сурын харвааны эрэгтэй,эмэгтэй эхний гуравт орсон харваачдаас допингийн шинжилгээ авч эхэлснээс хойш Төрөөс бөхчүүд,харваачдын допингийн шинжилгээний зардал гэж Монголын Үндэсний Олимпийн Хороо нэг хүний 252 доллар буюу 512 бөхөөс шөвгөрсөн 16 бөх, 6 харваач нийт 22 хүний зардал гэж жил болгон авдаг боловч Монголын Үндэсний Олимпийн Хороо, БНСУ-н Шинжлэх Ухаан Технологийн Хүрээлэнгийн Допингийн Хяналтын Төвтэй байгуулсан гэрээний дагуу жилд “100 хүртэлх тамирчны шинжилгээний зардлыг чөлөөлж болно” гэсэн заалтаар Солонгосын тал допингийн шинжилгээг үнэгүй хийж өгдөг юм байна.
WADA буюу Дэлхийн Допингийн эсрэг агентлагын магадлан итгэмжлэгдсэн лаборатори дэлхийн 30 оронд 32 л байдаг бөгөөд нэг лаборатори нь жилд дор хаяж 3000 сорьц хийх дүрэмтэй учраас 100 тамирчны шинжилгээ бол их бага тоо юм байна. Гэтэл МҮОХ 1999оноос БНСУ-н Допингийн хяналтын төвд шинжилгээний зардал төлнө хэмээн мөнгө авсаар хуурсаар иржээ. Улмаар Монголын Үндэсний Олимпийн Хорооны санаачилгаар Допингийн Эсрэг Төв гээч байгууллагыг 2007онд дэргэдээ байгуулж Солонгосын Допингийн Хяналтын төвтэй 2006 оноос 2012он хүртэл гэрээгээ сунгаж 2012оны Лондоны Олимпийн дараа дахин сунгажээ.Зөвхөн өнгөрсөн оны наадмын допингийн шинжилгээний зардал гэхэд шөвгөрсөн 5 давж шөвгөрсөн 16 бөх дээр эхний 3 байр эзэлсэн эрэгтэй,эмэгтэй харваачид нэмэгдэн шинжилгээний зардал гэж 9 сая 600мянган төгрөг болжээ. 2001,2006,2011онуудад 1024 бөх барилдсан наадмуудад таваас дээш давж шөвгөрсөн 32 бөхийн шинжилгээний зардал бүр их хэмээж Төрийнхөө төсвөөс шулаад байсан нь ойлгомжтой.
Мөн 2004,2005оны наадмуудын хурдан морины 6 насны айргийн тав буюу 30 адуунаас зөвхөн шинжилгээний зардал гэж 10,10 сая төгрөгийг 2 жилийн наадмаас авч байсныг морь сонирхогчид мартаагүй бизээ. Тэгэхээр МҮОХ-ны тэргүүн Дэмчигжавын Загдсүрэн, дэд тэргүүн Жамбалын Хатанбаатар,допингийн эсрэг төвийн эмч Чулууны Насанбат гэсэн 3 хүнтэй Монголын Үндэсний Бөхийн Холбоо холбоотой гэдэг нь ойлгомжтой. Аливаа Спортын Холбооны тамирчин допинг хэрэглээд илэрсэн тохиолдолд тухайн холбоо нь хариуцлагаа хүлээлгэж шийтгэдэг жамтай байхад МҮБХ гэдэг байгууллага бусадруугаа чихдэг гажиг байдалтай явсаар байна. Сэтгүүлчид та бүхэн энэ ноцтой хэргийг илрүүлж шударга үнэний төлөө явмаар байнаа.
