Зах хязгаар нутгаас эхлээд төв суурин газар хүртэл иргэдийн амьдрал асар доройтсон. Олон ч аж ахуйн нэгжүүд хаалга үүдээ барьж, ажилгүйдэл газар авлаа. Өргөн хэрэглээний бараа бүтээгдэхүүний үнэ тэнгэрт хадаж, иргэдийн худалдан авах чадвар үгүй болов. Ийнхүү нийгмийн бүхий л салбар тэр чигтээ уруудаж байхад уран донгодсон Ерөнхий сайд Л.Оюун-Эрдэнэ зөвхөн пиарын ажлыг өдөр шөнөгүй хийн, мөнгө урсгаж байна.Түүний хийж байгаа ажил гэвэл хэвлэл мэдээллийн хэрэгсэл, цахим орчинд л сайн ажиллаж байна.
Өөрийнх нь лоозонгоо болгон гарч ирсэн “Шинэ сэргэлтийн бодлого” хэмээх урагшаа ахидаггүй муруй бодлого гаргаж ирчихээд мухар төмөр зам дээр попорч байгаагаас өөр юу ч алга. Поп Ерөнхий сайдын олон зүйлийг дурдаж болох ч зөвхөн төмөр замыг аваад үзье. Хамгийн анх 2020 онд “Богд хан” төмөр зам тавина хэмээн шав тавьсан цагаас хойш гурван жил өнгөрсөн ч энэ ажил урагшаа явсангүй. Дэлхийн нөгөө бөөр хүртэл зам тавьсан ч болохоор хугацаа өнгөрлөө.
Мөнхүү Тавантолгой-Гашуунсухайт чиглэлийн 247 километр төмөр замын ажлыг Л.Оюун-Эрдэнээс өмнө эхлүүлсэн. Харин тэрээр Ерөнхий сайд болсон цагаас хойш уг төмөр замын ажлын талбарт удаа дараа сайд нараа дагуулан очиж шоудсан ч төмөр зам нь өнөөдөр хилээр нэвтэрч чадаагүй мухар хэвээрээ байна. Хятадын хилээр гарч чадаагүй төмөр замаар ямар нүүрс тээвэрлэж, эдийн засгаа босгох гээд байгаа юм. Зүгээр л шоу. Мөн Тавантолгой-Зүүнбаян чиглэлийн 415 километр төмөр замын ажил ч гацсан. Ашиглалтад ороогүй байхдаа замаасаа галт тэрэг гарч унасан гээд бүтэлтэй зүйл алга. Саяхан Шивээхүрэн-Сэхэ боомтын төмөр замын шавийг тавилаа. Энэ ажлыг ямар мөнгөөр босгох юм. Өнөөдөр иргэдийнхээ амьжиргааг хамгийн ёроолд авчирсан чадваргүй поп сайд томоохон бодлого хэрэгжүүлэх ямар ч боломж байхгүйг иргэд олон нийт хэлээд эхэллээ. Иргэд тэнэг биш учраас пиар нь хэтэрсэн Ерөнхий сайдынхаа ямар худалчийг мэдэж таарна. Ядахад хамгийн боломжтой Тавантолгой-Гашуунсухайт чиглэлийн төмөр замаа эхлэн гацаанаас гаргачихаад түүнээс олох ашгаараа бусад замаа барина гэж үнэмшилтэй ч попорч чадахгүй Ерөнхий сайдтай аж.
Түүнд тууз хайчилж, шавь тавьж байвал юу ч хамаа алга. Зөвхөн айсуй сонгууль угтсан ажиллагаа л явуулж байгаагаас түүнд улс орны амьдрал түй ч хамаагүй мэт пиардаж байна. Ерөөсөө л дүр эсгэсэн Ерөнхий сайд пиар дундаасаа босож чадахгүй байсаар Монгол Улсыг дампуурууллаа. Бид Ерөнхий сайдын хоосон пиарын тухайд цувралаар нийтлэх болно. Ард иргэдээс ч баримт сэлт ирж байна.
ЦУВРАЛ БИЙ ......
TUMEN.MN
