НӨАТ-ын буцаан олголтын хувь хэмжээг нэмэгдүүлэхээр 100 мянга илүү хүн саналаа өгсөн тул УИХ-аас хууль боловсруулах ажлын хэсэг байгуулагдсан. Харин 30 мянган хүн саналаа өгвөл тухайн асуулыг шалгах хяналтын хороо байгуулагдахаар шинэ журманд тусгагдсан. Тэгвэл 318 тэрбум төгрөгөөр хуучин автобус худалдаж авсан хэргээр “түгжрэлийн” экс сайд Ж.Сүхбаатар, хотын дарга асан Д.Сумьяабазар нарыг шалгуулахаар санал авч эхэлсэн. Одоогийн байдлаар 30 мянган хүн санал өгөхөөс 12.5 мянган санал ирээд байна. Санал авах хугацаа дуусахад 13 хоног үлдээд байгаа тул цахим орчинд дэмжсэн санал өгөхийг уриалсан уриалга хүчтэй өрнөж байна. Иймд иргэдийг идэвхитэй оролцохыг уриалж байна. Үүний хажуугаар “ийм илэрхий хэрэгт санал авч цаг үрэх хэрэггүй, шууд шалгах ёстой” гэсэн дуу хоолой хүчээ авчээ.
