Улсын дээд шүүхэд төрийн нууц задруулсан хэргээр 14 жилийн ял авсан Б.Эрдэнэбат, Б.Эрдэнэбаяр нарын шүүх хурал боллоо.
Б.Эрдэнэбат, Б.Эрдэнэбаяр нар нь Тагнуулын байгууллагад ажиллаж байхдаа Гадаад улсын тагнуулын албатай хамтран ажиллахаар тохиролцсон, хамтран ажилласан , гадаадын байгууллага, иргэнд өгөх зорилгоор төрийн нууцад хамаарах мэдээ, баримтыг цуглуулж дамжуулсан хэрэгт буруутгагдсан байна.
Тэдэнд Хан-уул дүүргийн Эрүүгийн хэргийн анхан шатны шүүхээс тус бүр 16 жилийн хорих ял оноосон бөгөөд давж заалдаж ялыг 14 жил болгон хөнгөрүүлж байжээ.
Тэгвэл өнөөдөр Улсын дээд шүүхэд тус хэргийг хянан хэлэлцээд давж заалдах шатны шүүхийн шийдвэр буюу 14 жилийн хорих ялыг хэвээл үлдээлээ.
