Аялал жуулчлалын бүсийг "НҮХЭН ЖОРЛОН"-гоос салгах даалгавар жилийн өмнө гарсан хэрэгжихгүй байсан тул энэ хавраас буулгаж эхэлсэн.
Өнөөдрөөс буюу 2023 оны дөрөвдүгээр сарын 01-нээс буулгаагүй, нүхэн жорлонтой аялал жуулчлалын баазуудын газар ашиглах эрхийг цуцалж, аялал жуулчлалын бүс болгох ажлыг эрчимжүүлнэ.
Өнөөдрийн байдлаар 1000 шахуу нүхэн жорлонг буулгаад буй. БОАЖЯ-ны Аялал жуулчлалын бодлого зохицуулалтын газрын дарга Т.Мөнх-Од "Жорлон" үндэсний хэлэлцүүлгийн үеэр "Өнгөрсөн 20 жилийн турш аялал жуулчлалын салбарын тушаа байсан зам дагуу байрлах нүхэн жорлонгийн асуудлыг хувийн хэвшлүүдтэй хамтраад бүрэн шийдвэрлэж эхэлсэн. Аялал жуулчлалын оргил үе эхлэхэд гол маршрутын дагуу стандартын шаардлага хангасан ариун цэврийн байгууламжтай болсон байна" гэлээ.
