Малайз улсад дахиад нэг монгол эмэгтэй амиа алдсан тухай  манай сайт мэдээлсэн билээ.  Хэдэн жилийн өмнө тэнд Багинда гэгч этгээд Монгол эмэгтэйг хөнөөсөн хэргээр ял эдлэх байсан боловч тус улсын эрх мэдэлтнүүдийн нөмөр нөөлгөөр тэр өнөөдөр наранд алхаж яваа аж. Тэгвэл өнгөрсөн ням гарагт болсон уг хэргийн  учир шалтгаан одоогоор тодорхой бус байна. Малайзын   Куала-Мугпур хотын захын хорооллын нэгэн орон сууцны барилгын зургаан давхараас унаж нас барсан эмэгтэйн хэрэгт  гурван Монгол эмэгтэй сэжиглэгдэж буй ажээ. Малайзын цагдаа нар хэргийн газарт очиход талийгаачийн амьдарч байсан тасалгаанд шар айрагны шил, аяга таваг хөглөрч, зарим нь хагарсан байжээ. Талийгаач “О” нь 29 настай бөгөөд тэр гурван Монгол эмэгтэйн хамт  Малайзын Исламын их сургуульд суралцдаг байсан байна. Мөн тэдгээр гурван Монгол эмэгтэй нь түүнтэй хамт тус сургуулийн   оюутны дотуур байранд, нэг өрөөнд  амьдарч байсан гэх мэдээлэл байгаа бөгөөд тэднийг цагдаагийнхан баривчлан саатуулжээ. Хэрэг гарахын өмнөхөн Монгол эмэгтэйчүүд хоорондоо маргалдсан байж болзошгүй хэмээн мөрдөн байцаагч нь үзсэн бололтой.

Б.Баяр 

Эх сурвалж: Tumen.mn