Хөдөлмөрийн яамыг “хөдөлмөрлөх боломжоор хангадаг” хэмээн хүмүүс ойлгодог байлаа. Гэвч амьдрал дээр арай өөр болов бололтой. Өдгөө тус яам нь намын харъяаллаар ажилтнуудаа бөөндөж халдаг газар болж хувирч буй аж.
Ч.Сайханбилэгийн Засгийн газарт тус яамыг хариуцсан сайдаар томилогдсон С.Чинзориг нь сүүлийн саруудад 50 орчим ажилтнаа халах тухай мэдээлэл цацагдаж байсан юм. Тэдний заримыг нь халж амжсан байна лээ.
Тэгвэл өнгөрсөн баасан гарагаас аймаг, нийслэл, дүүргийн Хөдөлмөрийн газрын дарга 31, улсын харъяаны 50 мэргэжлийн сургалт үйлдвэрлэлийн төвийн 44, коллежийн 10 орчим, нийтдээ 80 гаруй ажилтнуудаа “гудамжинд гаргах”-аар шийджээ. Ажлаас халагдах мэдэгдэл хүлээн авсан тэдгээр хүмүүсийн түрүүч нь маргаашаас ажлаа хүлээлгэн өгөх юм байна.
Б.Отгон
Эх сурвалж: Tumen.mn
