Баянзүрх дүүргийн нутаг дэвсгэрт дөрвөн настай охины биед хүнд гэмтэл учруулж амь насанд нь хүрсэн хэрэг гарч олон нийтийг цочирдуулаад буй. Энэүү эмгэнэлт явдалд цахим сүлжээнийхэн тун соргог хандаж бие биедээ уриалсаар өнгөрөгч бямба гарагт Зайсан дахь бурханы өшөө, Чингисийн талбай зэрэгт цугларан цул ачаан эмгэнэл илэрхийлэв. Мөн энэ үеэр тэнд очиж амжаагүй зарим хүмүүс гэртэй зул асан залбирал үйлдсэн гэж байлаа.
Талийгаач охины биед задлан шинжилгээ хийсэн шүүхийн шинжилгээний төвийн дүгнэлт гараад байгаа. Энэ талаар ЦЕГ-ын ХМТ-ийн ажилтан, ахмад Ё.Лхагвасүрэн “Охины эцэг, сэжигтэн “Ц” нь Шүүхийн шинжилгээний үндэсний хүрээлэнд шинжээчээр ажилладаг байсан. Нэгдүгээр сарын 17-ны өдөр Баянзүрх дүүргийн нэгдсэн эмнэлгээс гадны нөлөөтэй хүнд гэмтэлтэй хүүхэд ирлээ гэх дуудлагыг цагдаагийн байгууллагад өгсөн. Энэ дагуу цагдаагийн байгууллага ажиллаж иргэн Ц-г хамтран амьдардаг эмэгтэй М-ийн хамт бусдын биед хүнд гэмтэл учруулсан гэдэг үндэслэлээр саатуулсан. Ингээд эрүүгийн хэрэг үүсгэн шалгах шаардлагатай гэж үзсэн учраас Шүүхийн шинжилгээний үндэсний хүрээлэнд Ц-г албанаас нь түдгэлзүүлэх хүсэлт хүргүүлсэн. Хохирогч 21-ний өдөр гэмтлээ даалгүй нас барсан. Тиймээс саатуулаад байсан дээрх хоёр хүнд эрүүгийн хэрэг үүсгэн, цагдан хориод байсан юм” гэв. Мөн тэрбээр “Иргэдийн дунд сэжигтнийг шинжээчээр ажиллаж байсан учраас хуурамч дүгнэлт гаргалаа гэх хардлага байж магадгүй. Тиймээс цагдаагийн байгууллагаас уг хэрэг дээр ажиллаж байгаа шинжээч нараас “Ямарваа нэгэн ашиг сонирхлын зөрчилгүй, хуулийн дагуу үнэн зөв дүгнэлт гаргана. Хууль бус дүгнэлт гаргавал хуулийн хариуцлага хүлээнэ” гэсэн баталгаа гаргуулсан. Мөрдөн байцаалтын ажиллагаа хэвийн, прокурорын хяналтад үргэлжилж байна” гэлээ.
Талийгаач охины аав Цогоо нь бэлгийн хүчирхийлэл үйлдсэн гэх мэдээлэл байгаа ч энэ нь батлагдаагүй байна.Харин хамтран амьдрагчтайгаа нийлж охиноо удаа дараа хайр найргүй зодож байжээ. Цогоо нь охиноо ГССҮТ-ийн Яаралтай тусламжид үзүүлэхдээ “Хэвтүүлэхгүй. Гомдолгүй” гэж гарын үсэг зураад явсан гэдэг. Томографиар тархины зураг авхуулах 50 мянган төгрөг байхгүйгээс охиноо хэвтүүлэлгүй авч явсан гэдэг. Гэртээ аваачаад мөн л урьдын адил тархи толгой руу нь зодож, шөнөжин уйлуулж байсан харин тов доторхой болоод байгаа аж.
Б.Баяр
Эх сурвалж: Tumen.mn
