Жүдо бөхийн “World masters” тэмцээний дараа дэлхийн чансааг шинэчлэн гаргаснаар эмэгтэйчүүдийн 48 кг-д Дэлхийн аварга, гавьяат тамирчин М.Уранцэцэг 3378 оноогоор уг чансааг тасархай тэргүүлсэн хэвээр байна.
Тэрбээр “World masters”-т түрүүлж, Ази тивийн аварга шалгаруулах тэмцээнээс мөнгөн медаль хүртсэн амжилтаараа өөрийн жингийн өрсөлдөгчдөөсөө 1100 гаруй оноогоор илүү байгаа юм. Харин манай тамирчны араас Бээжингийн олимпийн хүрэл медальт Паула Парето 2225, Лондонгийн олимпийн хүрэл медальт Эва Церновский 1909, Лондонгийн олимпийн аварга Сара Менезес 1835, 2014 оны Челябинскийн Дэлхийн аварга Кондо Ами 1832 оноогоор тус тус удаалж байна
