Унадаг дугуй нь шатахуун зарцуулахгүй, хүний биеийн эрүүлжүүлэх, чийрэгжүүлэх гэх мэт олон талын ач тустай унаа юм. Иймээс ч хэсэг залуус “Унадаг дугуйтай Улаанбаатар” төслийг 2013 оны 10 дугаар сараас боловсруулж, нийт 26 мянган хүний дунд санал асуулга явуулахад 99.7 хувь дэмжсэн  байна. Төслийн эхний үр дүнд сүүлийн 2 жилийн дотор унадаг дугуйн хэрэглээ 7 дахин өсчээ. Тэгвэл энэ онд МЗХ-ны дэргэдэх Авто замчин холбоо, Нью имежи клуб, Монголын дугуйн холбоо, Монголын Триатлоны холбоо, Залуу дуйчдын клуб зэрэг 20 гаруй байгууллага хамтран энэхүү төслөө үргэлжлүүлэн, цар хүрээг тэлэхийн тулд   “Унадаг дугуйтай Улаанбаатар” хэлэлцүүлэг   зохион байгуулахаар болсон байна. Хэлэлцүүлгээр, унадаг дугуйн хэрэглээг нэмэгдүүлэх, зориулалтын замтай болох, дугуйчдын эрх зүйн орчинг хангах, аюулгүй байдлыг дээшлүүлэх, дугуйчдыг бүртгэлжүүлэх зэрэг асуудлыг тусган иргэдийн санаа бодлыг судалж нэгтгэх ажээ. Хэлэлцүүлгийн ивээн тэтгэгч байгууллагаар Грек, Аттила, Canondale дугуйн дэлгүүрүүд оролцох юм байна.

Б.Баяр

Эх сурвалж: Tumen.mn