Шинэчлэлийн Засгийн газар явахаа байж ЭЗЭН-100 хэмээх хөтөлбөрөөр амь тавих шиг боллоо. Одоо ямар нэгэн хариуцлага тооцох хүнгүй болсон бөгөөд дараагийн Засгийн газар тийш хараа сунгаж бодол бэлчээж байна.
Ирэх намрын чуулган ердөө 7 хоногийн дараа эхлэх бөгөөд хэлэлцэх хамгийн эхний асуудал нь Засгийн газрын шинэ бүтэц юм. Энэхүү шинэ бүтэц дээр гал гаргаж цахиур хагалах хүмүүсийг УИХ-ын дарга З.Энхболдоор толгойлуулж УИХ-ын дэд дарга Л.Цогоор дэмжүүлсэн УИХ-ын гишүүн Х.Баттулга, М.Зоригт, Д.Батцогт, Л.Эрдэнэчимэг, С.Одонтуяа, О.Баасанхүү, Г.Уянга, Р.Амаржаргал, Р.Бурмаа, Ж.Батзандан, С.Ганбаатар нарын 13 гишүүн МАН-тай хүч хавсран Монгол Улсыг аврах Аварлын засгийн газар эс бөгөөс Баабарын хэлдэг Мэргэжлийн Засгийн газар байгуулахаар нам дамнасан сүлжээ байгуулж эргэлт буцалтгүй шийджээ.
Ийнхүү УИХ-ын намрын чуулган Шинэчлэлийн Засгийн газрыг огцруулснаар эхлэх нь тодорхой боллоо.
Эх сурвалж: www.unen.mn
