Иргэн Б.Сүндэръяа өөрийгөө хүчирхийлэлд өртсөн талаар дөрөвдүгээр сарын 11-ний өдөр цахим сүлжээнд байршуулсан. Тэгвэл өнөөдөр тэр уг асуудалтай холбоотойгоор цагдаагийн байгууллагад хандаж сэтгүүлчдэд мэдээлэл өгсөн юм. Олон нийтийг хирдхийлгэсэн энэ асуудлыг чухам ямар учраас хийх болов, цаана ямар нэгэн улс төрийн дэмжлэг, оролцоо байгаа гэх хардлага ч бий.

Энэ үеэр иргэн Б.Сүндэръяагийн өмгөөлөгч "УИХ-ын гишүүн Ц.Анандбазартай холбогдуулан гурван удаагийн үйлдлээр нь гомдол гаргаж байна. Хууль хүн бүхэнд тэгш үйлчлэх ёстой. Мөн энэхүү гомдол нь зөвхөн Б.Сүндэръяад хамаатай асуудал биш учраас хүчирхийлэлд өртсөн эмэгтэйчүүдэд хамааралтай. Тиймээс хуулийн байгууллага үнэн зөвөөр шийдвэрлээсэй гэж хүсэж байна. Мөнхүү хуулийн байгууллага хамгаалалтад авна гэж найдаж байна" хэмээсэн юм.

Учрыг тодотговол, иргэн Б.Сүндэръяа 2019 онд Ц.Анандбазар гишүүнтэй танилцсан. Түүнээс өмнө манай найзаар дамжуулан надтай уулзуулж өгөхийг хүссэн гэдгээ дуулгаж байсан. Тиймээс тэр хэлэхдээ “Энэ өргөдлийг өгөөд зогсохгүй, цаашид ч олон өргөдөл өгөх болно. Тэр бүрийг олон нийтэд зарлах боломжгүй байгаа тул хуулийн байгууллагад хандсан өргөдөл дээрээ тодорхой бичих ёстой юм. УИХ-ын гишүүн Ц.Анандбазартай холбоотойгоор надтай 1000 гаруй эмэгтэй холбогдсон.

Ийм зүйлийг огт төсөөлөөгүй байсан. Өмнө нь намайг сүрдүүлдэг байсан бол одоо таньдаг хүмүүсээр минь дамжуулж тохиролцохыг санал болгож байгаа. Гэхдээ би хэзээ ч тохиролцохгүй. 2020 оны сонгуулиар миний амьдралыг юу ч үгүй болтол эргүүлсэн. Надад бүх нотлох баримт бий. Би өдийг хүртэл олон хүнд өргөдөл өгсөн боловч бүгд хаагдсан" хэмээн өчсөн юм. Иргэн Б.Сүндэръяагийн мэдээлж байгаагаар бол УИХ-ын гишүүн Ц.Анандбазар зөвхөн нэг бус мянган эмэгтэйн гомдолд дарагдах бололтой. УИХ-ын гишүүний бүрэн эрх энэ тэр бол өнгөрсөн хэрэг боллоо. Гагцхүү ялтай салах уу, ялгүй салах уу гэдэгт л тулж байна.

З.Шатар 

Түмэн.мн