Ойрын өдрүүдэд нийслэл хотод шахмал түлшинд хүмүүс угаартаж нийгмийг хамарсан асуудал үүсээд байна. Зургаан хүн нас барсан эмгэнэлт үйл явдал тохиолдлоо. Шахмал түлшийг үйлдвэрлэсэн, үйлдвэрлэх шийдвэрийг гаргасан хүмүүс асуудлыг засах, ард түмнээсээ уучлал хүсэх гэхээсээ илүүтэй өөрсдийгөө, нөгөөх түлшээ өмөөрсөн өдөр хоногууд өнгөрлөө.
Энэ үеэр НИТХ-ын гишүүн Ч.Гантулга нэгэн ноцтой мэдээллийг хийсэн нь Улаанбаатарт жилд угаартаж үхэх ёстой хүний тоо, стандартыг тогтоосон явдал байлаа. Түүний хэлснээр нийслэл хотод жилд 13-17 хүн угаартаж нас бардаг байна. Харин өнөөдөр зургаан хүн нас бараад байгаа нь стандарт үзүүлэлтэд хараахан хүрээгүй үзүүлэлт гэнэ. Түүнийхээр бол одоо долоон хүн нэмж нас барж байж Ч.Гантулгын стандартыг хангах нь. Тэрбээр яалт ч үгүй ийм үг амнаасаа унагажээ.
