Дэлхийн загварын тайзнаа монголын нэрийг дуурсгаж яваа цөөн хэдэн моделуудын тоонд Нора Дагва буюу Д.Оюунномин нэрлэгддэг. Нора буюу А.Оюунномин нь Сингапурт загвар өмсдөг нэгэн. Тэрбээр Сингапурын үндэсний их сургуульд бизнесийн удирдлагаар суралцахын зэрэгцээ 2005 оноос тэндхийн томоохон агентлаг болох Divamodels-ийнмэргэжлийн загвар өмсөгчөөр ажиллаж байгаа.

Анх 2000 онд "Гоёл" наадамд оролцож загварын эхлэлээ тавьсан бол удалгүй топ модель А.Болормаа багшаар хичээл заалгаж гарын шавь нь болсон энэ бүсгүй дэлхийд алдартай “Chanel”, “Gucci”, “Kenzo”, “Maxmara” зэрэг нэр хүндтэй брэндүүдийн шинэ коллекцийн сурталчилгааны шоунд оролцож, Сингапурын загварын агентлагт ажиллаж, Миланы “Flash model management agency”-д харьяалагддаг байсан нэгэн юм.  

Тэрээр “UNIQUE MODELS MANAGEMENT” академийг үүсгэн байгуулж, шинэ залуу өвөрмөц дүр төрх бүхий чадварлаг моделиудыг бэлтгэж байгаа аж. Харин өөрөө GOYO CASHMERE-ийн энэ жилийн нүүр царайгаар сонгогдон ажиллаж байгаагийн сацуу дэлхийн тавцанд үнэлэгдэж буй шилдэг дизайнер Цоло Мөнх, Ариунаа Сүри нартай хамтарч ажилладаг. Олны хэл амнаас ангид байж сурсан загвар өмсөгч бүсгүй саяхан нүцгэн зургаа олонд дэлгэж, багагүй шуугиан тариад байна.

Эх сурвалж: Shudarga.mn