Шатахууны нөөцийн талаар Газрын тосны газрын Газрын тосны бүтээгдэхүүний хангамжийн хэлтсийн дарга Х.Наранхүүгээс тодрууллаа.

-Уул уурхайн яамнаас өнгөрсөн нэгдүгээр сарын 28-ний өдөр өгсөн мэдээллээр шатахууны 45 хоногийн нөөцтэй гэж байсан. Өнөөдрийн байдлаар шатахууны нөөц хэр байна вэ?

-Ердийн хэрэглээний шатахууны нөөц бий. Энэ нь ерөнхийдөө 45 хоногийн нөөцтэй гэсэн үг. Шатахууны гадаад нийлүүлэлт хэвийн. Үлдэгдэл нь хангалттай хэмжээнд байна. Өнөөдрийн байдлаар /өчигдөр/ шатахууны хэмжээг нарийн тооцоолж гаргаж дуусаагүй байна. Энэ төрлийн үйл ажиллагаа эрхэлдэг аж ахуйн нэгж байгууллага, компаниудаас нэгдсэн байдлаар шатахууны хэмжээг тодорхой болгоно. Ингэж мэдээллээ нэгтгэснээр нэг, хоёр хоногтоо нөөцийн хэмжээ тодорхой гарна.

-Ямар түлш хамгийн их нөөцтэй байна вэ?

-А-80, Аи-92 зэрэг автобензин хамгийн их нөөцтэй байна.

-Сар шинийн баяр болохоор шатахууны эрэлт нэмэгддэг. Энэ үеэр нөөц хүрэлцэх үү?

-Сар шинийн баяр ёслолын үеэр шатахууны эрэлт их хэмжээгээр өсдөг ч одоо байгаа шатахууны нөөц хангалттай хүрэлцэнэ.

Д.НЭРГҮЙ

- See more at: http://www.unen.mn/content/46365.shtml?alias=unen#sthash.NacaNOFQ.dpuf