Улсын Дээд шүүхээс өнөөдөр Хөдөлмөрийн Үндэсний намаас ирүүлсэн намын даргаа сольсон болон мөрийн хөтөлбөрт оруулсан өөрчлөлтөө бүртгүүлэх хүсэлтийг хүлээн авсан байна.
Тодруулбал, Хөдөлмөрийн үндэсний намын дарга С.Зоригтбаатар өөрийн хүсэлтээр чөлөөлөгдсөн тул тус намын ээлжит бус Их хурлаас намын даргаар С.Боргилыг сонгосон аж. Мөн намын мөрийн хөтөлбөрийнхөө уриаг өөрчилж, “Монгол хүний төлөө” болгосноо бүртгүүлэх хүсэлтийг Дээд шүүхэд гаргасан байна.
Дашрамд дуулгахад, Монгол улс дээд шүүхээс албан ёсны бүртгэлийн эрх авсан 24 намтай болж буйбөгөөд өнгөрсөн долоо хоногт Л.Гүндалайн үүсгэн байгуулж буй “Ард түмнээ хайрлъя” намыг холбогдох бичиг баримт дутуу гэх үндэслэлээр бүртгэхээс татгалзсан билээ.
Ж.Мядагбадам
Эх сурвалж: www.TODAY.mn
