Монголчууд удахгүй гурван сая дахь иргэнээ тосч авна. Статистикийн газраас өгсөн мэдээллээр энэ баярт мөч тохиоход ердөө хориодхон хоног үлдээд байгаа аж. 2014 оны 12 дугаар сарын 31-ний байдлаар Монголын нийт хүн ам 2.930.277 байжээ. Өдөрт 200-240 хүн шинээр мэндэлж, 40 гаруй хүн ерөнцийн мөнх бусыг үзүүлдэг гэсэн тооцоо бий. Иймэрхүү байдлаар тооцож үзвэл гурван сая дахь иргэн мэндэлэхэд 4050 орчим хүн дутуу байгаа аж. Гурван сая дахь иргэний талаар Засгийн газраас шийдвэр гарчихсан байгаа. Гуч орчим иргэнд 70 сая төгрөгтэй тэнцэх орон сууц, эсвэл мөнгөн урамшуулал олгоно. Тэдний чацуутнуудад гурван сая төгрөгийн тэтгэмж өгөхөөр Засгийн газрын тогтоолд заасан. Энэ үеэр ямар нэг маргаан гаргахгүйн тулд бүртгэл мэдээллийг нийслэл, хөдөө орон нутагт бодитой, шуурхай, ил тод байлгахад эмэнэлэг, төр захиргааны байгууллагууд анхаарч буй ажээ.
Б.Баяр
Эх сурвалж: Tumen.mn
