Г.Алтанхүүд холбогдох хэргийн анхан шатны шүүх хурал хэд хэдэн удаа хойшлогдсны эцэст өнгөрөгч наймдугаар сарын 12-нд болж хэргийг нэмэлт мөрдөн байцаалтад буцаагаад байсан билээ. Харин түүнд холбогдох хэргийг өнөөдөр Дүүргийн Эрүүгийн хэргийн анхан шатны нэгдүгээр шүүхэд өнөөд боллоо. Шүүх хуралдаанд шүүгчээр Б.Мөнх-Эрдэнэ, С.Оюунчимэг, Б.Мөнхбаяр нар оролцсон юм.Хуралдаан таван цагийн туршид үргэлжилж шүүхээс хэргийг нэмэлт шинжилгээнд буцааж, 14 хоногийн хугацаатай хойшлууллаа.   Г.Алтанхүү нь найз охиныхоо биед гэмтэл учруулж, зоддог байсан нь мөрдөн байцаалтын явцад тогтоогдсон. Тэрээр өмнөх шүүх хурлын үеэр "Би талийгаачтай хайр сэтгэлийн холбоогүй байсан. Мөн хардах хэмжээнд хүртлээ дотно болоогүй байсан юм. Надаас мөнгө зээлье гэхэд нь би татгалзтал тэр намайг зогсоо зайгүй алгадаад байсан. Тиймээс би хундагаар хамар руу нь, баруун гараараа хавирга руу нь цохисон" гэж мэдүүлсэн байдаг. Нэгэнт нас барсан хүн босч ирээд үг хэлэхгүй гэсэн шиг Г.Алтанхүү одоо хүссэн бүхнээ ярьж байна. Даанч гэмээр үгс гарч байна. Өмнө нь үерхэж байсан бүсгүйчүүдээ биеэ үнэлэгч, талийгаачид хайргүй гэгчлэн дэндүү үгс хэлж шударга шүүхийн өмнө зогсож байна.

Эх сурвалж factnews.mn