Монголын Нууц Товчоо Сангаас эрхлэн “Монголын Нууц Товчоог 365 хоногт” цуврал номоо бүтээлээ. Номын нээлт Төрийн Ордонд байрлах Монгол төрийн түүхийн музейд болсон байна. Нээлтэд номыг бүтээхэд оролцсон эрдэмтэн мэргэд, судлаачид оролцов.

“Монголын Нууц Товчоо” номыг монгол хэлнээ хөрвүүлэн, олон удаа хэвлэсэн байдаг ч энэхүү бүтээлийг жилийн турш унших хэлбэрт оруулж, одоо цагт мартагдахаа шахсан 2000 гаруй үгсийн тайлбартайгаар хэвлэн гаргаснаараа онцлог юм. Монгол улсын төрийн соёрхолт, гавьяат багш Ш. Чоймаагийн хөрвүүлэг дээр тулгуурлан бүтээсэн уг бүтээлд олон эрдэмтэд, судлаачид оролцсон байна. Энэ бүтээл нь Монголын Нууц Товчоог судлаачдын хүрээнд бус, жирийн хүмүүсийн ялангуяа залуусын дунд уншиж судлахад ихээхэн түлхэж болохуйц бүтээл болсоныг шүүмж судлаач, түүхчид онцлон тэмдэглэв.

Цаашид Монголын Нууц Товчоо Сангаас энэхүү бүтээлийн цахим хувилбар дээр гаргахаар ажиллаж байгаа бөгөөд мөн монгол бичиг, англи, франц, япон зэрэг хэлээр хэвлэх юм байна.

Б.Билэгдэмбэрэл

Эх сурвалж: Tumen.mn