Сири дэх “Лалын улс” бүлэглэлийн босогчид бол ОХУ-ын агаарын цохилтын бай гэдгийг тус улсын Гадаад хэргийн сайд Сергей Лавров онцлон тэмдэглэв.
Нью-Йорк хот дахь НҮБ-ын төв байранд болсон хэвлэлийн бага хурлын үеэр Лавров мэдэгдэл хийжээ.
“Лалын улс” террорист байгууллага болон бүлэглэлүүд, тэр дундаа, “Аль Каида”-тай холбоотой “Нусра Фронт”-ын босогчидтой тэмцэх зорилгоор ОХУ цэргийн ажиллагаа явуулж байгаа. Энэ нь АНУ тэргүүтэй эвслийн үйл ажиллагаанаас ямар ч ялгаа байхгүй гэж тэрбээр мэдэгдэв.
Мөн тэрбээр, Сирийн чөлөөт армийг ОХУ террорист бүлэглэл гэж үздэггүй. Энэ арми АНУ-ын дэмжлэгтэй Сирийн Засгийн газрыг эсэргүүцэгч бүлэглэл юм гэж мэдэгдсэн байна.
Д.Нямтулга
