Олон улсын эрэн сурвалжлах сэтгүүлчдийн консорциум “BBC”, “The Guardian”, “New York Times” тэргүүтэй 150 орчим хэвлэл мэдээллийн хэрэгслийн 600 гаруй сэтгүүлчтэй хамтран оффшор данстай дэлхийн нөлөө бүхий хүн, улстөрч, хөрөнгөтнүүд мэдээллийг нэгтгэсэн “Пандора баримт” эрэн сурвалжлах төслийн нийтлэлүүдийг ээлж дараагаар цацаж эхэлсэн.
“Пандора баримт” эхний нийтлэлээрээ Монгол Улсын Ерөнхий сайд асан, УИХ-ын гишүүн Сү.Батболдын оффшор компани болон хөрөнгийн талаар мэдэгдэж, Монгол Улсаас “Пандора баримт”-д хоёр хүн багтсаны нэг болохыг зарласан. Тэгвэл өнөөдөр Олон улсын эрэн сурвалжлах сэтгүүлчдийн консорциум-аас “Пандора баримт”-д багтсан Монгол Улсын хоёр дахь оффшорчнийг Монгол Улсын Ерөнхий сайд асан Ч.Сайханбилэг хэмээн зарлажээ.
“Пандора баримт”-д Ерөнхий сайд асан Ч.Сайханбилэгийн ОХУ-ын Төрийн өмчит Ростек компанитай холбоотой асуудлыг онцолсон байна.
Эх сурвалж: ICIJ, Economic Times, Indian Express
