Монголын Оюун ухааны академиас зохион байгуулдаг ой тогтоолтын Улсын аварга шалгаруулах оюуны спортын V дахь удаагийн тэмцээний урьдчилсан шат маргааш болох гэж байна.
УАШТ-ий урьдчилсан шатны тэмцээнд нийт 120 тамирчид оролцохоор бүртгүүлжээ. Бага, дунд, насанд хүрэгчид гэсэн ангилалд ой тогтоолтын 10 төрлөөр өрсөлдөх бөгөөд эхний 50 тамирчин эцсийн шалгаруулалтад оролцох эрхийг авах юм. Харин ой тогтоолтын УАШТ-ий төгсгөлийн шат ирэх дөрөвдүгээр сарын 4-ний өдөр болж, 2015 оны аваргууд тодорно.
Тэмцээний 10 төрөлд нэр-царай, тооны марафон, хийсвэр зураг, дуут цифр, багц хөзөр, түүхэн үйл явдал, багананд өгөгдсөн үгс, хөзрийн дараалал зэрэг харааны болон сонсголын ой тогтоолтыг шалгах багтжээ. Тэмцээний ерөнхий шүүгчээр Ой тогтоолтын спортын олон улсын шүүгч Х.Хатанбаатар ажиллах ба тамирчдын гаргасан амжилт дэлхийн чансаанд бичигдэнэ.Тэмцээн маргааш Монгол-Японы төв дээр эхэлнэ.
Эх сурвалж: Zaluu.com
