Дорноговь аймгийн Хатанбулаг сумын харьяат дуучин Э.Цэнгэлмаа Монгол Улсын Соёлын тэргүүний ажилтан цол тэмдэгээр энгэрээ мялаажээ.
Урын сандаа 10 гаруй уран бүтээлтэй дуучин бүсгүй маань өөрийн уран бүтээлээ хийхийн зэрэгцээ "Цэнгэлмаа нь туслая" нэртэй зорилтот бүлэгт хандсан хүмүүнлэгийн ажлыг 21 аймагт эхлүүлээд байгаа аж.
Тэрбээр, “Монгол Улсын Соёлын тэргүүний ажилтан цол тэмдэгээрээ би гоёж гангарахгүй. Бас угааж баярлахгүй. Энэ том шагналынхаа эзэн байхын тулд хичээх болно. Мөн Дорноговь аймгийн долоодугаар багийн иргэн хөгжлийн бэрхшээлтэй Н.Мөнгөнцэцэг бүсгүйг гэртэй болгох аян өрнүүлж нутагт нь энэ сарын 24 нд "Цэнгэлмаа нь туслая" тоглолтоо хийж өгнө. Энэ бол миний МУСТА болсон шагналаа мялааж байгаа ажил минь юм” хэмээн сэтгэгдлээ хуваалцжээ.
Ийнхүү Монголд нэгэн хүмүүнлэгийн элч дуучин эгэл ард түмнээсээ төрөн гарч байна.
