Шүүгч нарын цалин нэмэгдсэн. Дунджаар тэд 2.7-3.3 сая төгрөгийн цалин авч байгаа. Энэ нь тэдний хараат бусаар ажиллах боломжийг хангаж буй явдал хэмээн Шүүхийн ерөнхий зөвлөлөөс тайлбарладаг. Гэвч шүүгч нар шударга ажиллаж чадаж байгаа эсэхэд иргэдийн нэлээд хэсэг нь эргэлзэж байна. Шүүхийн ёс зүйн хороонд 72 шүүгчтэй холбоотой 58 гомдол иржээ. Эдгээрээс хувийн ашиг сонирхолын үүднээс нэг талд үйлчилсэн гэсэн гомдол хамгийн их буюу 35 хувийг эзэлж буй аж. Шүүхийн ёс зүйн хороо саяхан тэдгээр шүүгчдийн асуудлыг хэлэлцээд 4 шүүгчид сахилгын арга хэмжээ авсан байна. Сахилгын шийтгэл нь сануулах, цалин бууруулах, огцруулах гэсэн хэлбэрүүдтэй байдаг ажээ.
Б.Баяр
Эх сурвалж: Tumen.mn
