Энэ сарын 24-нд Монголын байгаль орчны иргэний зөвлөлийн 4 дүгээр чуулган болох ажээ. Улсын хэмжээнд өнөөдөр байгаль хамгаалах чиглэлээр 700 гаруй төрийн бус байгууллага ажиллаж байгаа бөгөөд тэдгээрийн ихэнх нь тус зөвлөлийн бүрэлдэхүүнд багтаж байна. Энэ удаагийн чуулганд хөдөө орон нутгаас 100 гаруй төрийн бус байгууллагын төлөөлөл ирж оролцох аж. Сүүлийн жилүүдэд уул уурхайн нөхөн сэргээлтийг сайжруулах, хулгайн ан гөрөөг таслан зогсоох, нэн ховор ан амьтдаа өсгөж үржүүлэх, ой модоо хамгаалах зэргээр иргэний байгууллагууд нэлээд амжилттай ажиллаж буй. Тэд унаган байгалиа хамгаалахад учирч байгаа бэрхшээлийг хэрхэн даван туулах, хууль тогтоомжуудыг цаашид боловсронгуй болгох талаар чуулганыхаа үеэр тодорхой ярилцах ажээ.
О.Баяр
Tumen.mn
