Буян буцаж ирэхдээ шивэрдэггүй, аадар бороо шиг асгардаг юм
Бусдад буян хий үр минь
Буяны хариу буцаж ирдэг юм
Бурханд мөргөж үнэн амьдар
Буцах замд чинь сүү болдог юм
Өөрийгөө бүү бод
Өрөөлийг бодож
Өтгөс нялхас
Өнчин ганц хүний үрд
Өөрт байгаа сэтгэлээрээ
Өр нэхэлгүй өгч сур
Өгсөн буян чинь
Өөрт чинь ирдэггүй юм аа гэхэд
Үр хойчид чинь өчнөөн болоод очдог юм
Үр минь үнэн ганцхан
Үхэх төрөхөд л оршдог юм
Үлдэх нэртэй үхье дээ гэж бодвол
Үнэн амьдарч
Үр бүтээлтэй үйл хийж
Үйлээ өчнөөн олон буян болго
Буяныг хурааж болдог
Буцаагаад барж ч болдог зүйл
Харах нүдний сайхан ч
Хар нүдний гэм хамгийн түрүүнд хүрдэг юм
Амьдарч баяжихийн төлөө бүү тэмц
Авсандаа аваад орох биш
Ангаахай үр минь
Амьтны амь бүү тасла
Алаг цэцэгсийг ч бүү гэмтээ
Амьтай бүхэн үртэй үндэстэй байдаг учиртай юм
Бусдад л буян хий
Буурал ижий нь ингэж захия
Буяны тоо хязгааргүй
Бурханд мөргөж зул өргөж
Бусдын төлөө залбирч бай …
