СШ дугаар: 2021-СО-10 (туршилт)

“Эрдэнэс Тавантолгой” ХК нь Ковид-19 коронавируст цар тахлын хүндрэлийг эрсдэл багатай даван туулах, компанийн борлуулалтын экспортын үйл ажиллагааг эрчимжүүлэх, Монгол Улсын Засгийн газрын шийдвэрээр байгуулж буй чингэлэг тээврийн терминал төвийн үйл ажиллагааг идэвхжүүлэх хүрээнд Цанхийн уурхайгаас олборлосон коксжих нүүрсийг олон улсын худалдааны “FCA-Гашуунсухайт” буюу МУ-ын Гашуунсухайт дахь чингэлэг тээврийн талбай хүртэл тээвэрлэж, хүргэж өгөх нөхцөлтэйгөөр, зах зээлийн нөхцөл байдалтай уялдуулан борлуулахаар дараах сонгон шалгаруулалтыг зарлаж байна.

Худалдааны нөхцөл: FCA-Гашуунсухайт (МУ-ын Гашуунсухайт дахь чингэлэг тээврийн шилжүүлэн ачих талбайд хүргэж өгөх)

Тээврийн нөхцөл: Тавантолгой уурхайгаас 240 км зайд Гашуунсухайт хилийн боомтын бүсэд шинээр байгуулагдаж буй чингэлэг тээврийн шилжүүлэн ачих талбай хүртэлх тээврийн зардлыг ЭТТ хариуцах ба тухайн талбайгаас БНХАУ-ын Ганцмод боомт хүртэлх тээврийн зардлыг Худалдан авагч хариуцна.

Сонгон шалгаруулалтын үнэ: коксжих нүүрс 156.7 ам.доллар/тонн

Нийт гэрээлэх хэмжээ: 1,000,000 тонн хүртэл (2021 онд 300,000 тонн хүртэл)

Урьдчилгаа төлбөр: Нийт гэрээлэх дүнгийн 15% байна.

Үнийн хөнгөлөлт:

- Урьдчилгаа төлбөрт нийт гэрээлэх дүнгийн 20%-иас дээш төлбөл үнийг 5% хөнгөлнө.

Барьцаа төлбөр: Тонн тутмын 1 ам.доллар

Ачилтын хуваарь: Сар бүр 50,000-100,000 тонн буюу түүнээс дээш

Чанарын дундаж үзүүлэлт:

Бүрдүүлэх материал:

1. Албан хүсэлт

o Худалдан авах нийт нүүрсний тонн хэмжээ,

o FCA-Гашуунсухайт нөхцөлтэй үнийн санал ба урьдчилгаа төлбөрийн нөхцөл, хэмжээ;

o “Эрдэнэс-Таван толгой” ХК-д аливаа өр, авлага байгаа эсэх.

o Гэрээний барьцаа төлбөр байршуулахыг зөвшөөрсөн эсэх,

2. Компанийн товч танилцуулга, ажлын туршлага, холбогдох тусгай зөвшөөрлүүд

3. Бизнес төлөвлөгөөний хураангуй

o Зах зээлийн судалгаа болон борлуулалтын төлөвлөгөө;

o Бүтээгдэхүүн нийлүүлэх боломжууд, гол хэрэглэгч;

o Болзошгүй эрсдэл түүнийг удирдах төлөвлөгөө.

4. Нийгмийн хариуцлагын хүрээнд хэрэгжүүлэх ажлын төлөвлөгөөг ирүүлбэл давуу тал болно.

· Байгаль орчныг хамгаалах нөхөн сэргээх, мод тарих г.м;

· Компанийн ажилчдын мэргэжил дээшлүүлэх хөтөлбөр, оюутны сургалтын тэтгэлэгт хөтөлбөр г.м;

· Тээврийн жолооч нарын Хөдөлмөрийн аюулгүй байдал, эрүүл мэнд, нийгмийн баталгааг хангах ажлыг зохион байгуулах, зарцуулах мөнгөн хөрөнгийн хэмжээ.

5. Маягт.02-ыг бөглөсөн байх.

Материал хүлээн авах хугацаа: 2021-08-10-ны 16:30 цаг хүртэл

Материалыг цахим хаягаар хүлээн авна: [email protected]

Холбогдох утас: 75055555-ext.-913

Маягт №2 (attachment)

Coking coal-CN