НҮБ-ын Ерөнхий Ассамблей Палестинийг гишүүн улсаар элсүүлэхийг хүлээн зөвшөөрлөө хэмээн “BBC” агентлаг мэдээллээ. Санал асуулга явуулахад гишүүн орнуудын дийлэнх нь Палестиний далбааг НҮБ-ын өмнө хатгахыг дэмжсэн байна.

Харин Израиль гишүүнчлэлийг эрс эсэргүүцсэн бөгөөд бусад орнуудыг татгалзахыг уриалсан байна. НҮБ дахь Изралийн төлөөлөгч Рон Просор “Энэ бол НҮБ-ыг барьцаалах гэсэн ичгүүргүй оролдого” хэмээн тодорхойлжээ.

Палестинийн гишүүнчлэлийг 119 улс дэмжиж, 8 орон эсэргүүцсэнээр Палестин НҮБ-ын гишүүн орон боллоо. Эсэргүүцсэн найман орны дунд АНУ байсан гэлээ. 45 орон санал өгөхөөс түтгэлзсаний дунд Их Британи болон Европын холбооны гишүүд болох Франц, Швед, Итали, Испани, Ирланд, Словени улсууд байжээ.

Санал хураалтын өмнө Палестинийн төлөөлөгч Рияад Мансоур “Энэ бол Палестиний УЛС гэх байр бэхжүүлэх маш чухал алхам юм” хэмээн хэлсэн байна. Өнгөрсөн тавдугаар сард Ватикан Палестинийг улс гэж хүлээн зөвшөөрсөн хэлэлцээрийг анх удаа үзэглэснээ зарласан билээ.

Палестиний Ерөнхийлөгч Махмуд Аббас: “Намайг улсаа тэргүүлж байгаа энэ үед Палестиний далбааг НҮБ-ын өмнө өргөөсэй гэж ард түмэн минь итгэж байна” хэмээн өнгөрсөн сард хэлсэн.

Ази, Африк, Латин Америкийн голдуу 135 улс Палестинийг Улс хэмээн үздэг ч албан ёсоор хүлээн зөвшөөрөөгүй байна.

Г.Үжин