Америкийн дуучин, жүжигчин, модель Бенни Харлемын охины хамт авахуулсан зургууд хэдхэн өдрийн дотор цахимд шуугиан тарьж 150 гаруй мянган хүн сэтгэгдлээ бичиж 400 гаруй мянган хүн лайк даржээ. Ингэж алдаршсаны нууц нь аав охин хоёрын гайхалтай сайхан ориг урт үсэнд байгаа аж. Беверли хилзд амьдардаг дуучин модель энэ тухай “Үс яг л ургамалтай адилхан амьд зүйл. Ургамалд ургахын тулд байгалийн нар ус зэрэг хүчин зүйлүүд хэрэгтэй байдаг шиг үсэнд бас л байгалийн органик тэжээл хэрэгтэй. Манай гэрийхэн хоолоо бэлддэг шигээ шампунаа өөрсдөө хийдэг” гэжээ. Мөн охиныхоо тухай “тэр ирээдүйд гайхалтай сайхан эмэгтэй болох царайлаг охин юм. Иймд би хамгийн түрүүнд өөрийгөө хүндэтгэж явахыг зааж зөвлөдөг” гэжээ. Бенни нь эмэгтэй хүн шиг үсээ ургуулсан нь бас л сонин түүх гэнэ. Түүний ээж болон эгч нарых нь нөхрүүд бүгд хаяад явцгаасан тул тэрээр багаасаа эр хүнгүй дан эмэгтэйчүүдийн орчинд өссөн аж.
Эх сурвалж: NUUTS.mn
