ТӨХ дээр энэ сарын 13-нд ТӨХ-ны дарга Ц.Нанзаддорж, Тамгын газрын дарга Ц.Одмаа, Төрийн банкны Гүйцэтгэх захирал Д.Батсайхан, “МИАТ” ТӨХК-ийн Гүйцэтгэх захирал Г.Жаргалсайхан, Ерөнхий нягтлан бодогч Н.Одмөнх ,маргааш нь буюу 14-нд ИНЕГ-ын дарга Г.Нямдаваа, Санхүү эдийн засгийн газрын дарга Д.Дагвадорж нар тус тус хамтарсан уулзалт хийсэн байдаг. Төрийн банкин дээр байгаа төрийн өмчит компаниудын дансны үлдэгдлийг тогтвортой байлгах талаар хэлэлцсэн энэ уулзалтын үеэр дансны үлдэгдлийн хөдөлгөөн гарч байна гэсэн мэдээлэл ТӨХ дээр ирснийг дээрх хүмүүсээс асуухад Зам, тээврийн сайд М.Зоригтыг чиглэл өгсөн гэдгийг “МИАТ” ТӨХК-ийн Ерөнхий нягтлан бодогч Н.Одмөнх хэлж, мөн ИНЕГ-ын дарга Г.Нямдаваа ч үүнийг баталж “Сүүлийн үед манай сайд Голомт банкаар үйлчлүүлэх чиглэл өгч байгаа. Бусад банкуудын хаахад л бараг хүрээд байна” гэчихсэн.

Энэ уулзалтын маргааш нь буюу 2015 оны аравдугаар сарын 15-нд ТӨХ-ны дарга Ц.Нанзаддорж Зам, тээврийн сайд М.Зоригтод 1а/2641 тоот албан бичгээр Төрийн банкинд дэмжлэг үзүүлэхийг “хичээнгүйлэн хүсч” байгаагаа илгээжээ. Нэгэнт нууцын тэмдэггүй дээрх уулзалтын протокол дэлгэгдсэн ч, “МИАТ” ТӨХК-ийн захирал Г.Жаргалсайхан гэнэт тэтгэвэртээ гарч ажлаа өгснийхөө маргааш дээрх явдлыг үнэн гэж баталсан ч М.Зоригт сайд л “ор үндэсгүй гүтгэлэг” гэж цахим хуудаснаа няцаасаар буй. Тэр ч байтугай “Танихгүй, уулзаагүй, утас юуг нь мэдээгүй” хэмээн мэлзсэн хариу хэлнэ билээ. Тэгвэл 2015 оны аравдугаар сарын 16-нд Зам тээврийн яаман дээр Н.Одмөнхтэй хамт яваа зураг нь энэ байна. Н.Одмөнхийн утасны дугаар 99111954 гэдгийг хэлж өгье. Хэдийгээр дагаад паппараци хийхийг хүсээгүй ч “гүтгэж байна” гэсэн үгэнд сэтгүүлч хүн эмзэглэж явдаг тул “Та таньдаг байсан” гэдгийг энд хэлье.

У.Оргилмаа