Жагсаал цуглаан хийж, сайн муугаар олонтаа хэлүүлэн байж дээшээ гарч ирсэн Г.Уянга хатагтай өдгөө УИХ-ын гишүүний суудалд залраад буй. Саяхан 40 насны босгыг алхсан тэрээр цагтаа сэтгүүлч Г.Уянга Н.Энхбаярыг хамгийн их муулж, АНУ-д хаустай гэх мэтээр бичиж, улмаар шүүхдэлцэж байсан эрэмгий бүсгүй.
УИХ-ын цөөн хэдэн эмэгтэй гишүүдийн нэг тэрээр өөрийн цахим хуудсандаа хүүхдүүдтэй хамт "төрийн дуулал" дуулж буй зургаа нийтэлжээ. Харин гишүүн маань андуурч бичив үү гэлтэй "Төрийн дуугаа дууллаа" хэмээн хээв нэг хэлж орхив. Хэдий тийм сүртэй алдаа биш мэт боловч Монгол төрийн түшээ, мэргэжлийн сэтгүүлч хүн ийм алдаа гаргана гэдэг байж болшгүй санагдсаныг энд онцлох нь зүйн хэрэг буй за. Хүмүүс түүнийг сонгууль дөхсөн болохоор бас л шоу хийж явна хэмээн хардахын зэрэгцээ сайныг нь сураагүй байж саарыг нь хөөж явах юм гэлцэв гэнэ.
Эх сурвалж: Photonews.mn
