Нийслэл дэх захиргааны хэргийн анхан шатны шүүхийн Ноён уулыг ухуулахгүй байх тухай 2016 оны 05 дугаар сарын 19-ний өдрийн 218 дугаар тогтоолд Засгийн газрын хэрэгжүүлэгч агентлаг Ашигт малтмалын газар болон "Сентеррагоулд Монголия" компанийн итгэмжлэгдсэн төлөөлөгч Д.Хатанбат, өмгөөлөгч Р.Мэндсайхан нар давж заалдах гомдол гаргасан талаар манай сайт мэдээлж байсан билээ.
Тэгвэл тэдний давж заалдсан гомдлыг буюу Ноён уулыг ухуулах эсэх асуудлыг өнөөдөр буюу 2016 оны 06 дугаар сарын 06-ны 08.30 цагаас буюу Захиргааны хэргийн давж заалдах шатны шүүхийн шүүх хуралдаанаар хэлэлцээд "... Нэмэлт нотлох баримт бүрдүүлэхээр анхан шатны шүүхэд буцааж" шийдвэрлэсэн байна.
Шүүхээр хэрэг маргааныг эцэслэн шийдвэрлэх хүртэл "Сентерра Гоулд Монголия" ХХК Ноён уулын орд газарт ашигт малтмал ашиглах эрхгүй.
