"Шилэн" Цогоо баримт факт бүхий ээлжит жиргээгээ хийж, энэ удаад ДЦС-4 төрийн өмчит компанийн захирал Төмөрхуяг жиргээнд өртжээ. Учир нь Төмөрхуяг захирал Засгийн газрын тогтоол зөрчин, 24.5 сая төгрөг төсвөөс гаргуулан спортын арга хэмжээ зохион байгуулсан байна.
Хамгийн гол нь Засгийн газрын 43 дугаар тогтоолын 1.6-д "Засгийн газрын шийдвэр гарснаас бусад баяр ёслол, урлаг соёлын арга хэмжээ, спортын наадам, аялал зугаалга зэргийг зохион байгуулахгүй" хэмээн "лүндэн" буулгасан аж.
Гэтэл том толгойтой Төмөрхуяг захирал цар тахлын дэглэмтэй үед дур мэдэн төсөв зарж, спортын арга хэмжээ зохион байгуулсан нь "Шилэн" Цогоогийн хараанаас мултарсангүй. Тиймээс "Шилэн" Цогоо Засгийн газар, Эрчим хүчний яам, Засгийн газрын хэрэг эрхлэх газарт хандан, тогтоол зөрчсөн захиралд арга хэмжээ авахыг анхааруулжээ.
