Монголын хип хоп урлагийн хамгийн олон сонсогч фентэй хоёр хамтлаг болох "Люмино", "Татар"-ын уран бүтээлчид хамтран өчигдөр Төв цэнгэлдэх хүрээлэнд тоглолтоо хийсэн. "Люмино" хамтлагийн гишүүн Бажи буюу Б.Батхишиг өөрийн цахим хуудаснаа тоглолтын талаарх сэтгэгдлээ нийтэлжээ. Тэрбээр, "Төв цэнгэлдэхэд тоглох, дүүргэх маань нэг том мөрөөдөл маань байлаа, 24 жилийн дараа энэ мөрөөдөл маань биеллээ маш өндөр нарийн зохион байгуулалттайгаар амьд хөгжимтэй 100 хувь амьдаар тоглогдож дууслаа. Аймар бороо ороод байхад хэн ч явсангүй дуусгалааа 30-аад мянган хүн бүх дууг дуулах чинь аймар гоё мэдрэмж байдаг юм байна, ирж үзсэн бүх хүмүүстээ баярлалаа, яг цагтаа эхлээд яг цагтаа дууслаа бас нэг стандарт тогтоохыг хичээлээ ахиад маш их баярлалаа" гэжээ.
